Tu Lio Kawlram Ah A Lar Taktak Mi Mihleng Hmang Minu An Mualpho Cang (+Videos)

Hi minu hi mi a hleng tawntu a si i a tangah hleng a tongmi pakhat nih a kong a tial i a video a tar chihmi kan vun tar piak chin hna. Hleng a tongtu nih a chimmi cu;

Taihkhaan pawl muitinh in mi a hleng tawn hna. Nan innpa pawl thil ka suh piak hna a ti tawn. Helping Siizung ah ka fapa a um lio a si i sii cawknak phaisa ka herh tuk caah nan innpa pawl thil sut man ka rak hal hna nain an um lo tiah siizung kainak catlap deu a chuah piak i a hmuhter tawn hna.

Siizung catlap a ti sawhsawh i si. Siizung seal hmanh aa tel lo. Aa kengmi thilri ka theih khawh tawk cu hmaihup, glucose le sii phun hnih hrawng a zate i phunli hrawng lawng aa keng ti a si. Cu pinah zei bantuk siibawi hmanh nih sii cawk dingmi hi Kawl ca in an tial piak bal lomi cu siizung a kai balmi nih nan theih dih lai. Ka hmuh lioah keimah zong a ruah awk ka thei ve lo i sii cawknak phaisa ka herh a ti caah phaisa ka pek. Kan innpa hna sin in thil a sut piak man rak hal than te a ka ti tiah hleng a tong balmi pakhat nih a chim.

Keimah zong siizung ka kai bal tikah a zawn ka ruah ve i a herhmi phaisa ka pek. Kan innpa hna an rak phan i ka chimh hna tikah kan thil midang kan suhter bal hna lo. Kanmah tein kan i suh an ka ti ko. Cu ti cun mi hleng hmang a si kha ka theih caah cu kong cu FB ah ka tial. Cu lio i phaisa ka peknak kong cu a hmanthlak tel loin ka rak tial. Hmanthlak zong ka thla hmanh lo. Tutan zong a theih ti lai lo tiah a ruah rua a rak ra than. A hlengmi an tamtuk caah a theih ti lo i si kho.

Hmasa i a chimh bantuk tein a chim than. A mui kaa chinchiah caah Palik sin kan report lai ka ti cu a kal colh. Midang nih a zawn an ruah lio ah amah nih cun innkhat hnu innkhat in a hlen hna. Phaisa 6000 men ruangah ti sawh hlah uh. Innkhat hnu innkhat a hleng lai i nikhat ah zeizat a hmuh lai timi ruat ve hmanh uh.

Hi bantukin mi a hleng peng hna timi a fiang. A tap lai bantukin aa um ter i acting a thiam taktak. Na zaangfah ahcun na phaisa na sungh ko lai. Voikhat a rak ka hlengmi cu ka ngaihthiam kho. Nain a voihnihnak cu ka ngaihthiam kho ti lo caah a tangah a video kan tar piak hna tiah hleng a tongmi pa nih a tial hi a si.

Video zohnak; Hihi a voihnihnak an tlaih khawhmi a si.

Inn kip lut in phaisa halmi nu an ti

Amah hi inn kip lut in thil sutmi ka si i, nan inn pa hna thil ka sut piak hna. Phaisa an pe rih lo i ka fa siizungah a um fawn caah a tu phaisa ka herh tuk. Cucaah nangmah nih na phaisa ka pek chun law, nan inn pa le an rak phan tikah na hal than hna lai tiah Taihkhan kip a hlen hna ti si.Video Credit: ခ်မ္း ေအး ေဇာ္

Posted by Ca Hlun on Tuesday, August 13, 2019

Video zohnak; Hihi a mi hleng aa timhnak in an theih caah a kir thannak a si.

Mi hleng hmangmi nu an ti

Hi hi mihleng hmangmi nu a si an ti i, hleng aa timh hna nain an theih caah Khrihfa inn ka kawl aa titer i a tum than an ti. A video ah tha tein ngaihchih khawh a si.

Posted by Ca Hlun on Tuesday, August 13, 2019