Online Nungak Nih A Hlennak Vialte Thitumhnak Puai Ni Lawng A Theihnak A Phuan Dih

South Korea ram ah riantuan in a kalmi Indonesia pa cu a nungak nu nih a ningzahternak kong online in a phuan dih. Amin cu Yusuf ti a si i a nungak min cu a langhter chih lo.

Yusuf cu South Korea ram i rian a tuan lio ah online in Indonesia nu pakhat he an i duh. An i duh chung paoh minu nih hmanthlak a kuat lengmang i cu hmanthlak tete a zoh ahhin mipa nih a duh chinchin ti a si.

L- mddel nute; R- mihlengtu

Cu ti cun an i duh i mipa nih a hmanthlak lawng hmuh cu a lung tling deuh lo caah video call in kan i chawnh lai tiah a nawl tawn ti a si. Nain minu nih hin ka nulepa pawngah ka um i aw chuah in i chawnh cu a si kho lai lo tiah a hlen tawn ti a si. Cu ti cun minu nih nitin tein hmanthlak a kuat lengmang ti a si.

An i duhnak kumkhat hrawng a si cang tikah Yusuf nih video call ding in a nawl than. Nain minu nih a al tawn bantukin a al than. Nain mipa nih video lawng in kan i zoh lai i kan chawnh chih lai lo. A hmuh te lawng kan hmuh ahcun kaa lungsi ko tiah a nawl than.

Yusuf nih a hlengtu nu a theih ni

Nain minu nih a ningzah pam tuknak le aho he hmanh video in aa chawnh balmi ka si lo caah ka ruah thiam ko tiah zaangfah a nawl ve. Cu ruangah mipa hawile nih cun an lung hring ziar cang nain a duh taktak tu nih cun zeihmanh a poi ah a chiah ve ti lo.

Cu lawng si loin nule nih phaisa a halmi tampah ve cang i Indonesia Rupiad 10 million hrawng bawmhchanh aiah a pek bal cang ti a si. Cu ti cun an i duhnak kum 2 tiang a si cang tikah minu nih thitumhnak kan tuah cang lai i rak tlung cang a ti i mipa cu South Korea ram cu a rak tlung.

Mihlengtu Nu

Yusuf cu nuam ngai in inn a rak phan tikah cun hmanthlak ah a hmuh tawnmi a nungak nu he aa dang tukmi, kum upa tuk cangmi minu he thitumhnak tuah ding a si ai. Yusuf nih thil sining a theih dih tikah a ngaih a chia i thitumhnak tuah dingmi zong hi bantuk mi lih chim he thitumhnak tuah ka duh lo a ti i a let than.

A ngaingai ti ahcun minu nih model pakhat hmanthlak a kuat tawn i cucu Yusuf nih a theih lo caah a si. Minu cu Yusuf nih taza a cuai hlei lo nain midang pa zong nih i ralring hna seh tiah a thil tongmi cu social media ah a tarlangh hi a si.

Source: LMM