Fa Tam Ngeih Le Tlawm Ngeih Kong Ah Bible Nih Zeitindah A Chim

Niuk Tkt Mualhlun: Fa Tam Ngeih Le Tlawm Ngeih Kong Ah Bible Nih Zeitindah A Chim

Gen 5:4. Cu hnu ah cun Adam cu kum 800 a nung rih. Fa dang kha a ngeih hna i kum 930 a si ah a thi. Fa dang kha a ngeh hna a ti caah an tlawm lo ti cu a fiang.

Gen 9:1 Fa tam piin ngei u law nan fale cu Vulei cung khua za kip khat hna seh. Gen 12:2. Tefa tampi kan pek lai i mi phun nganpi ah an cang lai.

Image result for biggest family in india

Exo 1:7. Asinain Isarel mi nih cun fa tampi an ngeih hna i an tam tuk i an tthan tuk hringhran caah cu ram cu an khat dih.

Gen 38:9 Asinain Onan nih khan fa kan hrin mi cu keimah ta an si lai lo ti kha a hngalh i cucaah a u nupi ro cu a ih pi fa te a ci kha a ping ah a chuahter i cucaah a u caah khan tefa a um kho lo. A tuahmi nih khan Bawipa a lomhter lo caah amah cu a thah.

Image result for biggest family in india

Pathian cu zei zong vialte sertu a si pinah zei zong vialte caah khua khangtu a si. Minung hi Pathian nih Fa hi cu zat in ngei seh tiah pumpak kan caah khua khan cia a um.

Minung hi kan i lo cio lo i ngandamnak nih a tlinh lo ahcun Pathian sin ah ngei thiam. Zaangfah hal buin ngeih lo zong in i tuah ding si ko.

Ngandamnak nih a tlinh ko nain zalawng duh ah maw cawm ken ttih ah maw hnahnawh huam lo ruang i Fa ngeih duh lo i hring i phih Nupa sualnak tuah peng cu Pathian thinhunnak a tuahtu an si.

Image result for biggest family in india

Salm 127: 3. Fale hi Bawipa sin in kan hmuhmi ro an si. Baibal hi rel dih law vawlei thil dang vialte hi Ro a ti mi um lo. Te le fa lawnglawng hi Baibal nih Ro a ti mi si.

Fa hring kho a si ko nain 1, 2, 3 tiang lawng fa ngeih a duh i hring aa phit mi cu Pathian bia leng ah a um mi an si i Pathian dohtu an si.

Cucaah Pathian nih Ro a kan ti piak mi te le fa cu hring khawh chung poh cu hring ding a si. Karh cho ding hi Pathian tinhmi a si.

Image result for biggest family in india

Te le fa hi kannih cawmmi an si lo Pathian cawmmi zohkhenhmi an si.
Kanmah Nu le pa zong hi Pathian cawmkenmi kan si.

Hring phih hi zumlotu Faro lung put in a thok mi a si. Khrihfa mi hi karh ti hna hlah seh ti an duh ruangah an thok i a karh tuk. Zumlotu nakin zumtu nih hring kan i phih deuh mi hi ngei chia taktak a si.

Catialtu Pu Niuk Tkt Mualhlun

Cucaah Khrihfa hi karh chin thluahmah ding in Pathian nawl pek bantukin fa hi tampi in hring kho chung in hring ding a si ko. Tefa cu Ro an si a sung lawi cemmi an si. Ps 127:3.

Credit: Niuk Tkt Mualhlun

Photos: Google