Kan Lainu Nilen Le Motorcycle In Vawlei A Helhtu Kawlram Mi Pahnih Norway Ram Ah An Vai Tonnak Hmanthlak (+ Photos)

Myanmar Idol Season 3 hlasak zuamnak ah aa zuam ve mi kan Lainu hlasak thiam Nilen Parmawi cu Kawlram mipi nih thazaang an pe ngaimi pakhat a si.

Hlasak aa zuam lio ah a aw power that tuk ruang le duhnung a muihmai ruangah mipi nih thazaang an pek ngaimi a si i ttanpitu tampi a ngei cangmi hlasak thiam pakhat zong a si. Hlasak zuamnak a dih in Kawlram hmun dangdangah hlasaknak show a ngeitu kan lainu a si. Tutan hi Norway ram an tlawng lio a si i motorcycle in vawlei a helhtu Kawlrammi minung 2 hi Norway ram ah an vai tong hi a si.

Nilen cu “Pyaw-bar-daw” timi MV a chuah hnuah zunngainak hla “Zuu-daw-mae” timi tleicia a darling a phuahmi hla ruangah a hung lar chinchin.

Nilen cu tu hi Norway ram ah a chungle he Family Trip an kal lio a si i motorcycel in vawlei a helhtu Kawlram mi he an vai tonnak cu amah Nilen nih a facebook ah an hmanthlak he a tarlangh hi a si.

Nilen nih “Motorcycel in vawlei a helhtu Kawlrammi pahnih le Nilen cu Norway ram ah kan i tong. Nihin cu zeitik hmanh ah philh khawh lo dingmi ni a si. Arendal ah Breakfast ka ei lio ah phone a ra. Ahodah na si tiah ka hal i Sai Zom Pha tiah a ka leh i kan theih lo ka ti.”

“Chitkhat ka ruah than i Oh, Myanmar Idol lio ah Nilen te kan Producer a si tiah ka theih than tikah ka lau tuk. Ko Sai nih Surprise a ka tuah caah si. Cu ti cun ka tli i ka va ton hna. Kawlram in motorcycle tein vawlei helh aa timhmi Ko Sai le Ko Aung ka hmuh hna tikah kaa nuam tuk.”

“Kawlram in an rak chuak thok i ka uar tuk hna. Ruah lo piin Norway ram ah kan i tong. Caan an ngei tuk lo. Amay Suu Park zong kan va len hna. Thingkung kan cin ta i meithal zong kan puah ta. Kaa lunghmui tuk. Tu cu an khualtlawnnak an peh than cang. An lam tluang ko seh. Nilen an ka philh lo caah kaa lawm.

Tu bantukin motorcycle in vawlei a helhmi Kawlram mi pahnih Ko Sai le Ko Aung cu Kawlrammi sinak in ka upat tuk hna. Kawlram ah kan i ton than te lai” tiah ca a tial chih hi a si.

Source: MML