CNF Le Kan Chin Miphun caah Lunglawmhnak Tuanbiathar: By Pu Daniel Sakhong

CNF Le Kan Chin Miphun caah Lunglawmhnak Tuanbiathar: By Pu Daniel Sakhong

CNF General Secretary Pu Thla Hei le Camp Victoria Development Project (CVDP) Director Pu Matt Nguntling ni (15) rauh in kan Chin miphun umnak USA ram khuapi (9) ah Fundraising an va tuah nakin zahan Indianapolis khua an rak phan tthan.

Image may contain: 3 people, people sitting

Nihin chun CVDP upa Pu Vanceuuk Khenglawt, keimah le anmah pahnih tiin lunglawmhnak chuncaw kan ei tti hnu ah zeizat setdah hmuh cawlh ding aa fiang cang timi kan tuah. Hi Camp Victoria Development Project caah hmuhcawlh ding aa fiang cang mi hi $232,000 a si i, zeizat setdah kan nin bawmh hna lai ti mi kan ni ruat taa rih lai a timi pawl rak chap mi he cun $250,000 hi cu a tlawmbik a chuak lai tiah ruahchannak ngeih a si.

Image may contain: 3 people, people smiling, people sitting and indoor

US$250,000 hi cu miphun dang caah cun a tam lai lo nain, kanmah Chin miphun caah cun mah zat zat phaisa zarh 2 chung ah kan hmuh khawh, bawmhnak kan pek khawh hi cu a um bal rih lomi lunglawmhnak tuanbiathar tak tak a si. A petu pakhat cio lungthin chung ah dawtnak thlarau aa phuang i, Pu Thla Hei le Pu Matt Nguntling hmurka Pathian nih kan miphun caah a hman.

No photo description available.

Vawlei cung tuanbia zoh tikah miphun tthawng kan ti mi hna hi minung an tam ah a rak si lo. An lung aa rual maw rual lo ti mi ruang tu ah a rak si. A lung aa rual lo mi cu zeizat an tam zong ah miphun tthawng ah an ni chuah thai tak tak bal lo. Teinak a hmutu miphun rak ti mi paohpaoh hi a lung aa rualmi an rak si.

Image may contain: 3 people, people sitting

Tutan CNF caah phaisa bawmhnak kan pekmi nih hin a langhtermi cu Chin miphun a ngaingai ni a chuah tik, a biapimi thil kan tawn tikah cun kan lung aa rual ti hi a si ko. Lungrualnak taktak ti mi cu hi bantuk thil biapimi ah kan thazang a ummi dihlak in kan chuah tti hi a si. Hi kan lungrualnak hi Chin miphun vialte caah lawmhnak thawngttha a si i, CNF caah thazang thar a si.

Hi Chin miphun hawi vialte lungrual tein thazang vun chuahttinak ah aa tel rih lo mi hawile vialte rak kan telpi ve uh tiah bochannak he kan in sawm hna. Miphun zawnruahnak le Chinram dawtnak he a petu kan hawile pakhat cio nan cungah kan i lawm i, kan biak kan Pathian nih a let tampi in thluachuah in pe chin ko hna seh.

Credit: Daniel Sakhong