Dwe Fanu Muidawh Sae Lae Cu A Pate Director Thar Nyi Nih Video A Thlak Ve Cang Lai

Mipi nih an uar i thazaang an pek lingcing ah a nunnak a liammi Kawlram minthang lemcang Academy Dwe cu a chan lioah mi larbik Minta pakhat a si. A lamkip in a thiammi lemcang pakhat a si ruangah a thih hnu tiang in philh khawh siloin nihin tiang theih peng a si. Tutan cu Dwe fanu dawh Sae Lae zong a pa keneh zulh in a voikhat video aa thlak ve cang lai tiah a pate Thar Nyi nih a facebook ah a tarlangh.

Dwe te nupa hi adopted fapa pakhat le fanu pakhat an ngei hna i Dwe a thih hnu zongah a nupi nih tha tein a cawmken hna. Atu ahcun an fanu le an fapa te zong an cuza ve cang. An fanu Sae Lae cu a pa keneh zulh in lemcang tuan duhnak thisa a ngei caah lemcang rian tuan ding in timhtuahnak a ngei ve ti a si.

Sae Lae cu a tu lemcang riantuan hram aa thok ve cang lai. Chim cia bangin a ngakchia tein lemcang tuan a uarmi a si tiah theih a si. Tleicia Dwe fanu dawh Sae Lae cu Dwe naupa Director Thar Nyi nih a voikhatnak Video a thlak lai tiah theih a si.

Thar Nyi nih a thlak dingmi video min cu “A-Chia-Meh-Hnaih” (atang hmanthlak ah kawlca in) ti a si lai i a tunu Sae Lae hi a biapibik mintami hmunhma ah lemcang a tuan lai ti a si.

Cun Nay Dwe, Nyi Htuet Khaung, Min Thu, Nyi Nanda, Khin Zar Chi Kyaw, Yamon le Than Than Sint hna zong lemcang ah an i tel ve lai tiah theih a si.

Academy Dwe fanu Sae Lae nih a voikhatnak aa thlak dingmi video cu mipi nih hmuh khawh a si cang lai. A pa Dwe bantukin hlawhtlinnak a hmuh te lai tiah ruahchanmi pakhat zong a si i thazaang pe ve hna u sih.

Source: MML