Neymar Nih Messi Cu Um Thiam Loin A Tuah Cang, Zeiruangah Messi Zong Nih Hi Tluk In Neymar A Dawt Hnga

PSG hmaikal Neymar cu a tu a umnak PSG in a si khawh chung in thial a duhmi a si. Neymar cu a luancia season ah PSG in chuah a duh tuk caah buainak phunphun a ser tiah media tiang nih a kong an tial. Cu pinah Neymar Season thar ca chuih chunnak zongah aa chuih ve ti lo ti a si.

Neymar cu a umnak thing Barcelona ah thial a duh ko nain Barcelona phaisa phunglam ruangah a tu tiang aa thial kho rih lo. Barcelona nih Neymar a auh a si ahcun a sinummi a zuar bang lai i phaisa kawl chap ding khi a si.

Cucaah Barcelona nih Coutinho zuar in phaisa lutnak a kawl liopi a si. Neymar hi Juventus le Real zong nih auh an duh ko nain amah Neymar pumpak nih Barcelona lei thial a duh deuh ti a si.

Cucaah Neymar cu Barcelona lei thial khawh ding in President Josep Maria Bartomeu chimhpiak dingah Messi cu um thiam loin bawmh a hal tiah AS News thawnglatu pakhat chimhnak in theih a si. Messi cu Barcelona ah nawl ngeitu pakhat a si ve i Barcelona nih a biapimi thil pakhat tuah a timh ahcun Messi ruahnak a hal hmasa tawn tiah theih a si.

Messi zong nih Neymar a dawtnak cu hi tiin a langhter ve. Messi pumpak nih Neymar rat than a duhtuk caah Neymar nan ka auhpiak than lo ahcun hnatlaknak minsen ka sauhter (extension) deuh ti lai lo ti tiang in a thihphaih hna ti a si. Cucaah Neymar zong nih Messi bawmhnak in Barcelona ka phan than kho hnga maw tiah Messi um thiam lo in a tuah hi a si.

Ref. MML