Lai Tlang A Kai Lio Mi Watt Hmone Shwe Yi Le Korean Minta Ryu Sang-Wook

Kawlram minthang mintami Watt Hmone Shwe Yi cu lemcang a thiam i aa thlakmi hmunhma ah thinlung dihlak thazaang dihlak he lemcang a tuantu hlawhtling lemcang pakhat a si.

Watt Hmone Shwe Ye cu capo a thiam pinah a mui a dawh i umtu zia a thiam tuk fawn caah ramdang directors hna le ramdang lemcang hna he video aa thlak ti i Asian ram tampi nih an theihmi lemcang thiam pakhat zong a si.

Nihin ah Watt Hmone Shwe Ye le Korean minta Ryu Sang-Wook cu an i thlak liomi “Minmei cung i pangpar” timi video thlak rih ding ah kan Chin ramkulh Tedim khua lei an kal tiah theih a si.

Minmei cung i pangpar timi video cu Director Yin Zaw Maung Maung le Min Thant Maung Maung hna nih an thlakmi a si. Cu video ah Watt Hmone Shwe Yi, Korean minta Ryu Sang-Wook le Kyaw Htet Aung hna nih a biapi in lemcang an tuan lai.

Minmei cung i pangpar timi video cu kan hnu thla hnih hrawng khan Korea ram ah thlak hram an thok i a tangmi part pawl caah Chin ramkulh ah an vai thlak chap hi a si.

Watt Hmone Shwe Ye cu Minmei cung i pangpar timi Video ah a thabik in lemcang tuan ding aa tim tuah hi a si. An hmanthlak tete kan vun tar piak chin hna i a chuak tikah thazaang pek cio ve hna u sih.

Source: MML