Zisuh Hmanthlak Le Vailamtah Siasal A Bia Mi Zumtu Kan Si Sual Maw?

Zisuh muisam tiah ruahmi hmanthlak inn i tarmi kongah ruahnak hman ngeih a herh. Na tar hrim lai lo tiah chim duhnak zong a si lem lo. Bianabia ah Zisuh Krih a nun lio a thutdir ning kong an langhter mi movie bantuk kha a si. Cu movie cu na zoh ti lai lo maw? Inn ah hmanthlak cu na tar ti lai lo maw? A taktak a si lo ti fian hi a bia pi mi cu a si.

Zisuh muisam tiah an ruah i an suai sawhsawh mi a si thian fian ahcun inn ah hmanthlak tar zongah a poinak a um lo. Cu tarmi hmanthlak kan hmuh tik paoh ah  Zisuh a dawtnak a thar in kan hngalhter than lengmang tu a si ahcun a tha ko.

Vailamtah kong zongah cu bantuk thiam thiam in vailamtah tung kan hmuh tikah Zisuh nih misual mi kan aiawh ah a kan tuar piaknak le a kan thih piaknak a kan theihter than tu a si ahcun a tha ko.

Nain Zisuh muisam tiah ruah i an suaimi hmanthlak hmai le vailamtah tung hmanthlak theng i va kun i thlacam cu siasal biaknak lei ah a hoihmi a si. Cucaah a tha lo mi ruahnak le zumhnak pahnih cu:

Zisuh muisam tiah ruah i suaimi hmanthlak cu Satan a si. Mei in khang dih u timi cu luantuk (extreme) bia a si.

Cun Jesuh muisam tiah ruah i suaimi hmanthlak cu Pathian a si tiah a zum i a bia mi zong luantuk lehpek a si.

Exodus 20:4-5