Venezuela Ram Ah Nikhat Ah Minung 5000 Nih Tipil An Ing. Pentecost Ni Bantuk Kha A Si Ko ( Ca rel dih in video zong ai tel)

2015 June 27 ni ah Venezuela ram ah zumtu 5000 nih nikhat ah tipil an ing i an ram ah a um bal lo mi tuanbia a si. Hi program a hruaitu cu Church Maranatha a si i an  Pastor  cu Javier Bertucci a si. Pastor Bertucci nih hi tluk tam nikhat i tipil in cu Venezuela lawng siloin hmun dang zongah a um bal lo mi a si i Pathian nih Venezuela ah a takin revival a tlunter mi a si. Hmailei can zong ah Venezuela miphun lungthin kip ah Jesuh Thawngtha a phaknak ding caah lam a kan on piak mi a si tiah a chim.

Tipil an in hlan ah cawnpiaknak a ngeih hmasa hna. Tipil an in hnu ah Richard Teran timi pa nih” Biaknak phung nih ka nunnak a rak ka hrawh cikcek. Atu cu Zisuh nih a ka hlawnh piak cang. Nihin tipil in dingah biakhiahnak ka tuahmi hi ka nunnak ahcun ni sunglawi bik a si” tiah tehte a khang.

Tampi nih dam ter kan si cang. Temtawnnak vialte chungin kan luat tiah tehte an khang cio. A tawinak in chim ahcun Venezuela  mi hna sinah Pathian dawtnak ai phuannak cu an co. Lamkaltu chung i Pentecost ni bantuk kha a si.

Video zoh chih na duh ahcun a tang i link asiloah photo zawn hi click tuah in zoh khawh a si.

MÁS DE 5 MIL PERSONAS SE BAUTIZARON EN UN SOLO DÍA

A luacia mi a si nain a thei rih lo mi caah ka tialmi a si.