Muslim Padina Timi Nu Cu Anmah Biaknak Phung A Zulh Dih Ko Nain A Lung A Dong. Thah Aa Timh Lio Te Ah Amah Le A Nu Cu Jesuh He An I Tong

Padina Chimmi:

Allah hi pathian sual a si. Asinain kanmah Iran pawl tampi nih cun thih pi kan ngamh.Aho poah zumhnak dangah an i thlen ah cun sual a si an kan ti.Cu sual hremnak man cu thah asi. Ka ngakchiat lio in nifatin thla ka cam.Siangin ka kal hlan ah Quran ka rel hmasa.

Khrihfa pawl ka huat ngai hna.Khihfa pawl an hrem hna ti thawng ka theih ah hin ka rak i lawm ngai tawn.  A kan chawnpiak ning cu Khihfa na thah a si ah cun vancung kai khawh nak ticket na ngei cang an ti. Kanmah phunglam nih an kan chawnpiak mi cu bau lo in zulh peng kaa zuam.Thlacam hlan ah tha tein kai kholh. Ka thiang lo tiah ka ruah ahcun ka thlacam mi ka ngol i kai  khawlh than dih ta. Voi khat thla ka cam ah hin a karlakah voi (10) te hna kai khawlh than tawn.

Cuti  thla ka cam peng zongah ka pathian he cun kai hlat tuk ah ka ruah. A hnu ahcun ka lung a dong ngai i mah le mah thah duhnak lungthin ka ngei cang. Cu chin chap ah ka nu cu a zaw ngai i thi ding khi a si. “Mah le mah i thah” ka duh tiah ka nu ka chimh. Ka nu nih “nai thah ding a si ahcun keimah zong na ka thah a hau ve lai a ka ti. “aw… Cucu nangmah zawn ruah ah ka tuah lai i kan pahnih in kan thi ti ko lai cu” tiah ka leh.

Cu thihnak a chuah hlan te deuh ah ka nu nih TV a zohmi cu Thawngtha Bia chim lio mi he aa tong. TV in Thawngtha chimtu nih- Dawtmi u le nau hna, Tuzan ah Pathian nih special in bia chim an duhmi a um. Na lungre a thei tuk. Na lung  dongh i thah naa timh ahcun atu ahhin ngol. Jesuh nih na caah tinhmi a ngei. Amah cu i ruahchan ko. Cucaah thah nai timh ahcun ra ka chawn” tiah a ti.

Cutikah a nu nih phone aa lak colh i Suimilam cheu chung a chawnh. Cu bia an i ruahmi cu a fanu Padina nih a theih tikah “hi hi atu ka tuah cang lai. Zeihmanh nih tuzan ah a ka kham kho lai lo” a ti. Cu lio ah a nu sual aa ngaichih mi kha a hmuh. A nu cu khamhnak ding caah thla a cam.

Padina nih “ ka thin hung tuk. Na thih lai teah zei ruang dah hi thil hi na tuah? Hell ah atu na kal cang lai hih” a ti. A nu nih “Padina  zangfahnak tein, Jesuh kong hi amah he chim tuah u” a ti. Padina nih “ Jesuh nih zeihmanh a tuah kho lo. Jesuh cu zeihmanh a si lo. Hi bantuk zum lo tu (Allah zum lo tu) he chawnh nakin Mohammad cu ka hleng lai lo” a ti. A nu cu a tap thluahmah. Padina nih a nu ngai tah cu a zoh kho ti lo i phone cu a nu kut in duak tiah a lak i Thawngtha chimtu pa he cun an i chawn.

Thawngtha chim tu pa nih Padina ka chonh ah hin a thin a hung tuk, i uang ngaiin kai that lai, Na Jesuh nih hin zeihmanh a ka tuah piak kho lai lo a ti. Suimilam cheu chung an i chawn i an i al nain, a thinlung cu a thleng kho lo. Thih cu ka duh ko a ti.

Thawngtha chimtu pa nih Padina cu”nangmah nih pei nachim ko cu. Allah nih cun zeihmanh a ka tuah piak lo na ti. Jesuh cu voi (1) te lawng can hei pe tuah. Cun hmai zarh ah naa that te lai.”  tiah zuam cawhnak (challenge) bia a chimh.

Padina nih  “thih cu ka duh. Nain Thawngtha chim tu nih a ka zuam cawhmi (challenge) ka tuah ahhin ka thih hlan te can tawi teah Allah caah a tha bikmi ka tuah khawhmi a si tiah ka ruah a ti i Thawngtha chimtu bia cu a lungthli tein a cohlan.

Hi ti a cohlan nain Padina nih a ruahmi cu thla ka cam lai i Jesuh nih zeihmanh a ka tuah piak lai lo. Cun Thawngtha chimtu pa  cu  live phone in ka chawnh than lai. Zeihmanh aa thleng te lai lo. Cutikah Allah sinah ka nunnak hi nangmah caah kan pek ka ti lai i keimah le keimah cu kaa that lai tiah aa ruahcia.

Padina cu “a thaizing zingka te ah aw nih  a thangh. A nu tha tein  lam a kal khawh a hmuh. Cutikah a rannak in siizung ah kan kal hau lai tiah A nu cu a ti. Dr te nih a nu a thi le MRI an check tikah ” khuaruahhar a si ko” tiah an ti. A takpum ah MS (Multiple Sclerosis-zawtnak zeng ) a um lo an ti. Doctor te cu  pakhatkhat cu nan i palh ko lai an ti zongah “zeihmanh kan palh lo. Khuaruah har tu a si” tiah Doctor te nih an leh hna. Imam (anmah cawnpiaktu saya) nih zeitindah thla a cam? tiah doctor te nih an hal. Padina nih  “Imam a si lo. Jesuh a si” tiah a leh hna. Padina nih i bia a chim lio ah a lungthin aa thleng i Jesuh cu ” A nungmi Pathian na si. Na ka dam ter i na kan thianter” tiah Padina le a nu nih Pathian cu an thangthat.

Ka nunnak kan in pek an ti i nihin Padina le a nu cu Allah sinin chuah an si cang. Iran ram tihnung ( underground church) lakah an nu fa in Thawngtha bia cu an au pi i rian an tuan cang.